Paquirrin dale al SYNC

Despois dunha chea de tempo, volvo actualizar este santo blog, e hoxe para mostrarvos un video que atopei no muro de Facebook do meu benquerido Jordi Carreras.

Como xa sabedes, son moi pouco amigo de que se programen festas nas discotecas con personaxes de moda da tele, simplemente porque creo que non aportan nada, ainda que ben é certo que ó final dan rendabilidade económica, que é o que buscan os empresarios... pero non me vou volver meter neste tema, porque arranco e non paro.

O caso é que despois de que Kiko Rivera se metera a amago de dj, agora quere seguirlle os pasos Rafa Mora... é un dos inconvenientes que ten a revolución tecnolóxica; agora calquera pode cadrar os temas apretando un botón... ata eu, que son bastante inútil.

Pois como vos ía decindo, hoxe atopei o video este, que fai unha pequena parodia moi ilustrativa sobre o tema.

O mellor... o tema do final! jajajaja

Vamos Paquirrín, dale al SYNC!

O video de Rafa Mora

Os que de vez en cando tendes a ben, de ler o que este mangante escribe, xa sabedes que eu son moi crítico con este tipo de festas de tronistas, grandesbroders e concursantes variados. Non porque non queira que esta xente gañe cartos a costa de quen os queira pagar (un negocio coma outro calquera), senon porque creo que o término DISCOTECA, debería de implicar que os shows que un se pode atopar deberían de ser distintos a convertir o local nun estudo de fotografía.
Pero como sobre este tema xa falei nalgunha outra ocasión, non vou en principio en incidir mais nel.

O caso é que onte me atopei cun videoclip que narra un pouco a vida desta xente, de feito fala de un dos tronistas de maior éxito, e de como levan unha vida de estrelas de cine sen pegar pao, simplemente polo feito de ser guap@s.

Eu creo que o video non necesita ningún tipo de explicación... é meridianamente claro.